"ХУУЛИА ДЭЭДЭЛЬЕ" ТЭМЦЭЭН 4 БҮСЭД ЗОХИОН БАЙГУУЛАГДЛАА

Төв аймгийн Иргэдийн Төлөөлөгчдийн хурал, Гэмт хэргээс урьдчилан сэргийлэх ажлыг зохицуулах салбар зөвлөлөөс 18 дахь жилдээ “Хуулиа дээдэлье” тэмцээнийг Төв аймгийн ЕБС-ийн сурагчдын дунд зохион байгуулж байна.

Аймгийн аварга шалгаруулах энэ удаагийн тэмцээнийг гэмт хэрэг, зөрчлөөс урьдчилан сэргийлэх тухай болон Хүүхэд хамгааллын тухай хуулийг орон нутгийн иргэд, хүүхэд залуучуудад сурталчлах, өсвөр үе хүүхэд залуучуудад гэмт хэргээс урьдчилан сэргийлэх үзлийг төлөвшүүлэх, хүүхдийн эсрэг болон хүүхдээс үйлдэж буй гэмт хэрэг, зөрчил, үе тэнгийн дээрэлхэлтээс урьдчилан сэргийлэх чиглэлээр зүүн бүсийн тэмцээнийг сумандаа зохион байгуулж, нийт 6 сумын 48 хүүхдийг хамрууллаа.

Тэргүүн байр- Эрдэнэ сумын “Эрх зүйн этгээд” баг

Дэд байр- Баян сумын Сүлд баг тус тус шалгарлаа.

Тэмцээнд оролцогч хүүхдүүд өгөгдсөн сэдвийн хүрээнд өсвөр үе, хүүхэд, залуучуудад тулгамдаж буй асуудлуудыг өөрсдийн өнцгөөс илэрхийлэн, хууль боловсруулагчид, эцэг эх томчуудад дуу хоолойгоо хүргэн, олон төрлийн шинэлэг санаа дэвшүүлсэн нь онцлог болов.